පොල් ගස් වැඩි අස්වැන්නක් ලබා දීම සඳහා අවශ්‍ය පෝෂක බොහෝමයක් ලබාගන්නේ පසෙනි. බොහෝ ප්‍රදේශයන්හී පෝෂක හිඟ මට්ටමක පවතින නිසා පසට නිසි පෝෂක සැපයීම “පොහොර යෙදීම” ලෙස හැදින්වේ. රසායනික පොහොර මෙන්ම කාබනික පොහොර මඟින්ද මෙය සිදුකල හැකිය.

I. රසායනික පොහොර යෙදීම.

මෙය ප්‍රධාන වශයෙන් ක්‍රම දෙකක් ඔස්සේ භාවිතා කළ හැක.

i. මිශ්‍ර පොහොර යෙදීම

ii. අමිශ්‍ර පොහොර යෙදීම.

පොල් පැළ සඳහා වෙනම පොහොර නිර්දේශයකුත්, පල දරණ ගස් සදහා වෙනම පොහොර නිර්දේශයකුත් ඇත.

පොහොර යොදන කාලය

සෑමවිටම පසේ තෙතමනය ඇතිවීම සිදුකළ යුතු අතර තද වැසි අවසානයේ යෙදීම තුලින් සෝදා යාම අවමකරගත හැක.

පොල් පැළ සඳහා පොහොර යෙදීම

මාස 06 කට වරක් පැළයේ වයස අනුව පොහොර ප්‍රමාණය යෙදිය යුතු අතර පසුව පොහොර කවයේ විසුරුවා උදැල්ලෙන් කොටා වසුන් කල යුතුය.

පැළයේ වයස	පොහොර කවයේ අරය
මාස 06	අඩි 01
වසර 01	අඩි 02
වසර 02	අඩි 03
වසර 03	අඩි 04
වසර 04 සිට	අඩි 05

• පල දරණ ගස් සඳහා පොහොර යෙදීම

පල දරණ ගස් සඳහා පොහොර යෙදීම වසරකට වරක් සිදු කල යුතු අතර පල දරණ ගසක පොහොර කවය අඩි 06ක් දක්වා දීර්ඝ වේ.