පොල් වගාවේ තෙතමනය සංරක්ෂණය හා ජල සම්පාදනය ජලය පොල් වගාව සඳහා අත්‍යවශ්‍ය සාධකයකි. දිනකට වැඩුණු පොල් ගසක් සඳහා ජලය ලීටර් 40 - 60 අවශ්‍ය වන අතර පැළ ගසක් සඳහා ලීටර් 10 - 15 ජලය අවශ්‍ය වේ. වසර තුල පවතින වර්ෂාපතනය මත පොල් අස්වැන්න විචල්‍ය වේ. තෙතමනය සංරක්ෂණය කිරීම වැදගත් වන්නේ වියලි කාලය තුල නිසි ජල සංරක්ෂණය මගින් වැඩි අස්වැන්නක් ලබා ගැනීමයී.

පොල් වගාව සඳහා තෙතමනය සංරක්ෂණ ක්‍රම කීපයක් හරහා සිදුකරනු ලබන අතර මේ තුලින් මුලික ලෙසම බලාපොරොත්තු වන්නේ පෙර සඳහන් කල ආකාරයටම

I.ජලය රඳවා ගැනීම
II.ජලය ගලා යාම අඩු කිරීම
III.සෝදා පාළුව ආරක්ෂාව

පාංශු තෙතමනය සඳහා සංරක්ෂණ ක්‍රම රාශියක් දැකගත හැකිය.

ජල සම්පාදනය

පොල් වගාව සඳහා නියමිත ජල මට්ටම නොපැවතීම අස්වනු අඩු වීම සඳහා සෘජුවම බලපානු ලබයි. ජල සම්පාදනය අඩාල වන විට හෝ අඩු වන විට,

I පොල් ගෙඩි සංඛ්‍යාව අඩු වීම
II ගෙඩි වල ප්‍රමාණය අඩු වීම
III පොල් ගස් මියයාම
IV ගැහැණු මල් පිළිසිඳීම අඩු වීම
V නොමේරු ඵල වැටීම, යනාදිය සිදුවේ.

පොල් ගසක ජල අවශ්‍යතාවය පහත සාධකයක් මත වෙනස් වේ.

I පාරිසරික සාධක
II ගසේ වයස
III පාංශු සාධක

ජල සම්පාදනය තෝරා ගැනීමේදී ඒ සඳහා යොදා ගන්නා ජල ප්‍රභවය වියලි කාලයේ නොසිඳෙන එකක් විය යුතුය. ජල සම්පාදන ක්‍රම

I බිංදු ජල සම්පාදනය
II කාණු ජල සම්පාදනය
iii විසුරුම් ජල සම්පාදනය
iii බදුන් සම්පාදනය
V හෝස් ජල සම්පාදනය